Hafa safnað rúmum 300 þúsund krónum fyrir Jónu

Nokkrir vinir Jónu Ottesen hafa safnað rúmum 300 þúsund krónum í gegnum vefinn hlaupastyrkur.is.

 

Jóna Elísabet Ottesen, einn stofnandi og skipuleggjandi fjölskylduhátíðarinnar Kátt á Klambra, lenti í alvarlegu bílslysi 1. júní og hlaut mænuskaða. Framundan er langt og strangt endurhæfingarferli og vinir hennar og fjölskylda reyna að leggja sitt af mörkum til að hjálpa Jónu og létta undir með henni.

Nokkrir vinir hennar ætla til að mynda að hlaupa í Reykjavíkurmaraþoninu í ágúst og hafa þannig safnað rúmum 300 þúsund krónum í gegnum vefinn hlaupastyrkur.is.

Litla systir Jónu, Inga Sigurðardóttir, bættist svo nýlega í hóp þeirra sem ætla að hlaupa fyrir Jónu. „Ég vil gera allt sem ég get gert til að hjálpa systur minni. Endilega heitið á mig,“ skrifar Inga.

AUGLÝSING


Þá hefur styrktarreikningur verið opnaður fyrir Jónu. Númer styrktarreikningsins er 528-14-401998 og kennitala 701111-1410.

Ekki missa af þessum

Annað áhugavert efni

Nýjast á Mannlíf.is