Hefur sett svip sinn á íslenskt tónlistarlíf

Sænski tónlistarmaðurinn Mikael Lind hefur verið búsettur á Íslandi í nokkur ár en hann hefur svo sannarlega sett svip sinn á íslenskt tónlistarlíf.

Fyrir stuttu sendi Mikael frá sér plötuna Contingencies en tónlistinni má lýsa sem lágstemmdu „ambienti“ með seiðandi melódíum. Mikael er einkar lúnkinn við að skapa þægilegt andrúmsloft og segja má að hlustandinn dragist inn í ævintýralegan hljóðheim sem erfitt er að segja skilið við. Einnig er komið út myndband við lagið Burst of Electricity en eins og Mikael orðar það, er það ansi „Lo-Fi“ og algjörlega í anda lagsins. Hægt er að finna Mikael Lind á flestöllum streymisveitum en einnig er hægt að horfa á myndbandið og hlusta á lagið á Albumm.is.

Texti / Steinar Fjeldsted
Mynd / Ómar Sverrison

Ekki missa af þessum

Annað áhugavert efni

Nýjast á Mannlíf.is