Föstudagur 29. mars, 2024
-3.2 C
Reykjavik

Heimilt að spyrja út í kynlíf og kynhegðun

VefTv

- Auglýsing -

Hlaðvörp

- Auglýsing -

Landspítalanum er heimilt að spyrja út í kynlíf og kynhegðun þeirra sem sækja um að komast í fyrirbyggjandi meðferð við HIV. Hins vegar þarf spítalinn að skoða hvort nauðsynlegt sé að hjúkrunarfræðingur sé viðstaddur þegar spurningunum er svarað.

Þetta er niðurstaða Persónuverndar en þangað leitaði einstaklingur sem hugðist fara í fyrirbyggjandi meðferð við HIV á Landspítalanum. Fannst honum umsóknarferlið meiðandi þar sem hann var látinn svara ítarlegum spurningalista um kynlíf sitt og kynhegðun. Ekki bara hafi hann þurft að svara persónulegum og nærgöngulum spurningum heldur sjái hjúkrunarfræðingur sem tekur viðtal hvernig listanum sé svarað.

Í svari Landspítalans til Persónuverndar kemur fram að aðeins sjúklingum sem eru í raunverulegri hættu á að smitast af HIV sé ávísað því lyfi sem notað er við meðferðina. Áhættan sé metin með spurningalista sem lagður er fyrir sjúklinginn og aðeins þeir sem skora 10 stig eða meira fái meðferð samþykkta. Spurningalistinn sé geymdur án allra persónuauðkenna í læstum skáp á sóttvarnadeild.

Persónuvernd telur að það sé ekki á hennar færi að endurskoða það læknisfræðilega mat sem sérfræðingar á Landspítalanum viðhafa um áhættugreiningu sjúklinga og viðeigandi meðferð þeirra sem þangað leita. Þess vegna gerir stofnunin ekki athugasemdir við umræddan spuningalista.

Hins vegar, í ljósi þess hversu persónuleg málefni um ræðir, kunni að vera æskilegt að einstaklingur sem útfyllir umræddan spurningalista hafi val um það hvort hjúkrunarfræðingur sé viðstaddur í sama herbergi eða ekki á meðan hann fyllir listann út. Hins vegar sé ekki hægt að gera athugasemdir við að hjúkrunarfræðingur sé upplýstur um svörin enda sé öryggi þeirra upplýsinga tryggt.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -