Fimmtudagur 28. mars, 2024
3.8 C
Reykjavik

Hlaðnar byssur í innanlandsflugi

VefTv

- Auglýsing -

Hlaðvörp

- Auglýsing -

Allir flugfarþegar kannast við að þurfa fara í gegnum ítarlegar vopnaleitir í millilandaflugi. Þegar kemur að innanlandsflugi er aftur á móti fátt sem stoppar fólk í að ganga um borð í flugvél með hlaðna byssu innan klæða en Mannlíf hefur heimildir fyrir því að slíkt hafi gerst.

 

„Það er í rauninni ekkert sem stoppar fólk með það. Það eru aðeins tveir vellir á landsbyggðinni sem hugsanlega gætu séð eitthvað og það er Akureyrarflugvöllur og á Egilsstöðum og þó ekki. Það er ekkert verið fylgjast með þessu í innanlandsfluginu,“ segir Guðmundur K. Sigríðarson, yfirmaður á Húsavíkurflugvelli í Aðaldal, í samtali við Mannlíf.

„Það eina sem við getum gert þegar farþegar koma með byssur með sér til innritunar og láta vita af þeim, er að menn eru látnir taka þær í sundur og gengið úr skugga um að ekkert sé í þeim. Annars vitum við ekkert hvað er í handfarangri eða innan á fólki og slíkt,“ útskýrir Guðmundur.

„Annars vitum við ekkert hvað er í handfarangri eða innan á fólki og slíkt.“

Aðspurður hvort engar kröfur séu gerðar um vopnaleit í innanlandsflugi af alþjóðlegum flugmálayfirvöldum segir hann svo ekki vera.

„Í kjölfar hryðjuverkaárásanna í Bandaríkjunum 11. september 2001 þegar allt fór á hliðina, komu upp allskonar umræður um þetta. Síðan féll allt í dúnalogn aftur þegar rykið settist.“

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -