Hvöttu fulltrúa á héraðsfundi til að ganga út skyldi fyrrverandi sóknarprestur mæta

Stjórn Félags prestvígðra kvenna hvatti fundargesti á héraðsfundi Reykjavíkurprófastsdæmis vestra til að sitja ekki fundinn ef séra Ólafur Jóhannsson mætti. Hann hefur verið sakaður um áreiti árið 2017 og verið í leyfi síðan.

Fréttablaðið greinir frá málinu í morgun. Héraðsfundur er haldinn árlega í hverju prófastsdæmi. Fundirnir eru opnir þeim sem áhuga hafa á málefnum kirkjuna en haft er eftir Helgu Soffíu Konráðsdóttur, sóknarprest í Háteigskirkju og prófast á svæðinu að um sextíu manns hafi atkvæðarétt. Fundurinn fór fram í gær.

„Öll höfum við rétt á að starfa í öruggu vinnuumhverfi og sjálfsögð krafa að velferð þolenda sé öðrum hagsmunum rétthærri í kirkjunni okkar. Í ljósi nýafstaðinna atburða er varða málefni Ólafs Jóhannssonar hvetur stjórn Félags prestvígðra kvenna alla fundargesti er boðuð eru og munu sitja héraðsfund í dag í Reykjavíkurprófastsdæmi vestra til að taka ábyrga afstöðu með þolendum Ólafs,“ segir í bréfi kvenpresta. „Það gerið þið með því að sitja ekki fundinn ákveði Ólafur að birtast óvelkominn, heldur hvetjum við ykkur til að rísa á fætur og ganga út af fundinum. Er það von stjórnar að samstaða myndist um þessi mótmæli er varða hag okkar allra sem störfum fyrir kirkjuna.“

Ekki missa af þessum

Annað áhugavert efni

Nýjast á Mannlíf.is