Keyptu allar eignir úr þrotabúi WOW air

Ameríkanar hafa keypt allar eignir úr þrotabúi flugfélagsins WOW air og ætla að endurreisa félagið.

Amerískir flugrekendur hafa keypt allar eignir úr þrotabúi WOW air er fram kemur í frétt Fréttablaðsins. Markið þeirra er að endurvekja lágfargjaldaflugrekstur til og frá landinu á þeim grunni sem WOW air byggði.

Heimildir blaðsins herma að um vöru- og myndmerki WOW air, WOW lénin, flugrekstrarbækur, bókunarkerfi, hugbúnað, söluvagna, sölutölvur, einkennisfatnað ásamt stærstum hluta varahluta­lagers og verkfæra sé að ræða.

Ekki fæst uppgefið hver fjárfestirinn er en í frétt mbl.is kemur fram að um fjárfesti „sem hef­ur ára­tuga reynslu af fjölþætt­um flugrekstri“ sé að ræða.

Viðskiptin hlaupa á hundruð millj­ón­um króna og var upphæðin greidd með eingreiðslu. Ann­ar skipta­stjóra þrota­bús WOW air, Sveinn Andri Sveins­son, greindi frá því að uppsett verð hafi verið greitt fyrir eignirnar.

Ekki missa af þessum

Annað áhugavert efni

Nýjast á Mannlíf.is