- Auglýsing -
Lögreglan fékk í gær laust fyrir hálfsex tilkynningu um líkamsárás í Heiðmörk við Elliðavatn.
Ungur maður sagði lögreglunni að menn hefðu flutt hann þangað þar sem hann var barinn með kylfu og úðavopn notað á hann. Þá var hann látinn vaða út í vatnið og var orðinn kaldur þegar viðbragðsaðilar komu á vettvang. Maðurinn var fluttur með sjúkrabifreið á bráðadeild til aðhlynningar. Málið er í rannsókn.