Madonna söng með keppendum og sagði tónlistina sameiningarkraft

Madonna er í Tel Aviv í kvöld og stígur á Eurovision sviðið. Madonna sagði alla keppendur sigurvegara hvernig sem úrslitakvöldið færi. Öll hefðu þau átt sér draum og unnið hörðum höndum að því að keppa fyrir sitt land. Í hennar bókum sé slíkt dæmi um sigurvegara.

Hún vitnaði í lag sitt Music sem kom út um síðustu aldamót. Keppendur sungu línuna „Music makes the people come together“ úr laginu. Tónlist fær fólkið til að koma saman gæti línan hljómað á íslensku.

Hún lofaði hörku sýningu af hennar hálfu. Sagðist ætla færa hita í leikinn. Vel fór með söngkonunni og kynni keppninnar. Sagði Madonna góðlátlega að hún ætli að hitta hann eftir keppnina til að segja manninum hans að hypja sig.

Madonna sagðist ánægð með að vera á keppninni. Aðspurð hvað henni þætti um Tel Aviv sagðist hún mjög ánægð. „Ég fer frá hótelinu á æfingu og horfi á ströndina,“ sagði söngkonan. Hún virðist því ekki hafa átt mikinn frítíma í heimsókninni hingað til.

Í kynningu Madonnu kom fram að hún myndi syngja lög af nýrri plötu og brot úr laginu Like a Prayer. Madonna stígur á svið í Tel Aviv eftir nokkrar mínútur.

Ekki missa af þessum

Annað áhugavert efni

Nýjast á Mannlíf.is