Átak hefur verið sett á laggirnar í Palma á spænsku ferðamannaeyjunni Majorka til að draga úr áfengisdrykkju túrista.
Eyjan Majorka hefur lengi verið vinsæll áfangastaður ferðamanna og þá ekki síst ferðamanna sem vilja sletta úr klaufunum í fríinu sínu. En sumir íbúar Majorka virðast hafa fengið sig fullsadda af fullum túristum því átak sem hefur verið sett á laggirnar í Palma til að draga úr vandamálum sem tengjast drykkju ferðamanna.
Sem hluti af átakinu munu ný lög taka gildi þann 1. apríl en þau fela í sér að lögreglan á Majorka getur sektað ferðamenn um 3000 evrur fyrir óspektir vegna drykkju. Það gerir um 400.000 krónur miðað við núverandi gengi. Þessu er sagt frá á vef BBC.
Barir, klúbbar og veitingastaðir taka þátt í átakinu með því að hætta með ákveðin á tilboð á áfengum drykkjum.
Með þessu nýja átaki er þá vonast til að slysum á ferðamönnum sem má rekja til óhóflegrar áfengisdrykkju muni fækka.