Clicky

 

Óþekkta konan knúsaði Báru og fór

Í bréfi lögmanns þingmanns Miðflokksins til Persónuverndar segir að óþekkt kona hafi komið inn á Klausturbar og hitt Báru Halldórsdóttur kvöldið margrædda þegar Bára sat þar og tók upp sam­töl sex þing­manna.

Konan mun hafa afhent Báru ljósan hlut og tekið við einhverjum smágerðum hlut sem Bára hafi rétt henni. Óþekkta konan sem um ræðir mun vera Ragnheiður Erla Björnsdóttir, tónskáld og rithöfundur, er fram kemur í frétt Fréttablaðsnins.

„Ég var með litla skopparakringlu. Þeir segja að það sé vafasamt. Ég myndi ekki segja að skopparakringla væri vafasöm,“ segir Ragnheiður í samtali við blaðamann Fréttablaðsins.

Í bréfi lögmannsins kemur þá fram að Ragnheiður mun hafa gengið fram hjá Klausturbar með „mögulega möppu, tölvu eða spjaldtölvu.“ Ragnheiður staðfestir að umræddur hlutur muni hafa verið fartölva hennar eða ljóðabók.

Hún segist þá ekki hafa rétt Báru neitt, aðeins knúsað hana og farið um leið og Bára sagðist vera upptekin.

AUGLÝSING


Ragnheiður segir að þetta sé enn önnur tilraun Miðflokksmanna til að draga athygli frá frá „óviðeigandi og óafsakandi hegðun þeirra“. Þá kemur fram að Ragnheiður hafi áhyggjur af heilsu Báru og hún segir Miðflokksmenn níðast á henni.

Sjá einnig: Bára fegin að kröfum Miðflokksmanna hafi verið hafnað

Ekki missa af þessum

Annað áhugavert efni

Nýjast á Mannlíf.is