- Auglýsing -
Bifreið var stöðvuð í Hraunbæ í nótt. Ökumaðurinn er aðeins 16 ára og hefur því aldrei öðlast ökuréttindi. Samkvæmt dagbók lögreglu er um ítrekað brot að ræða. Málið var afgreitt með aðkomu forráðamanns ökumanns.
Fjórir ökumenn eru grunaðir um akstur undir áhrifum í gærkvöldi og nótt. Tveir þeirra voru sviptir ökuréttindum. Þá var ein bifreiðin með röng skráningarnúmer og ótryggð. Skráningarnúmerin voru fjarlægð. Ökumaður ótryggða bílsins er einnig grunaður um vörslu fíkniefna.
Maður var handtekinn í miðbænum í nótt grunaður um þjófnað á reiðhjólum. Maðurinn var vistaður fyrir rannsókn máls í fangageymslu lögreglu.