Miðvikudagur 27. mars, 2024
0.8 C
Reykjavik

Reykvísk húsmóðir læsti sig úti, skrúfaði í sundur gluggafestingu og festist með rassinn út um glugga

VefTv

- Auglýsing -

Hlaðvörp

- Auglýsing -

Kona á höfuðborgarsvæðinu sem læsti sig utan eigin heimilis. Mátti beita óvenjulegri leið til að komast inn á heimilið. Brösulega gekk og endaði konan með að sitja föst í glugga eigin heimilis í nokkra stund. Lögreglunni á höfuðborgarsvæðinu deilir skilaboðum sem hún fékk. Konan vildi koma í veg fyrir að lögreglubíll yrði sendur á staðinn ef ske kynni að nágrannar hefðu orðið varir við uppátækið.

Lögreglan á höfuðborgarsvæðinu fær mikið af skilaboðum frá íbúum í gegnum Facebook síðu sveitarinnar. Ein skilaboð hafa vakið talsverða athygli meðal starfsfólks lögreglu sem deildi þeim vefsíðu embættisins. „Sá sem þau sendi gaf góðfúslega leyfi sitt og gat hlegið, eftir á, að þeim aðstæðum sem þarna kom upp.“

Í skilaboðunum sagði; „Ég vildi bara láta ykkur vita, ef ske kynni að fengjuð tilkynningu um innbrot í hús við **********, að ég húsmóðirin á heimilinu, læsti mig úti og brá á það ráð að skrúfa gluggafestinguna upp með bíllyklinum mínum og klifra inn um gluggann.“ Þá kemur fram að innbrotið hafi gengið brösulega og hún hafi setið föst í glugganum í dágóða stund. „Ég hef smá áhyggjur af því að gangandi vegfarendur kunni að hafa séð til mín með rassinn út um gluggann og tilkynnt herlegheitin. En þetta var ekki það sem það leit út fyrir að vera.“

Konan endar skilaboðin á léttu gríni og segir innbrotið hafa verið árangursríkt þrátt fyrir brösuglega byrjun. „Ég komst óslösuð frá þessu öllu saman, náði að grípa veskið mitt og láta mig hverfa, allt áður en lögregla mætti á staðinn.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -