- Auglýsing -
„Þingfundi lokið og ekki get ég nú sagt að þingmenn Miðflokksins sem töluðu hverjir við aðra bættu einhverju bitastæðu við umræðuna,“ skrifar Bjarkey Olsen Gunnarsdóttir, þingflokksformaður VG, á Facebook í morgun.
Þingfundur stóð yfir í alla nótt vegna Þriðja orkupakkans. Þriðja umræða um orkupakkann hófst á þriðjudag en hélt áfram í gær en hlé var gert á fundi núna í morgun.
Bjarkey segir Miðflokkinn „ekkert hafa sagt“ fyrir miðnætti. „Ég hélt í einfeldni minni að svona samtöl ættu betur heima á þingflokksfundum en við deilum þeirri skoðun augljóslega ekki ég og Miðflokkurinn – en það kemur kannski ekki á óvart. En núna ætla ég í háttinn. Njótið dagsins.“