Föstudagur 29. mars, 2024
-3.2 C
Reykjavik

Sérstök orðsending til starfsmanna WOW á vef Vinnumálastofnunar

VefTv

- Auglýsing -

Hlaðvörp

- Auglýsing -

Þegar vefur Vinnumálastofnunar er opnaður tekur sprettigluggi á móti notendum síðunnar með sérstakri orðsendingu til starfsmanna WOW air.

Í tilkynningunni eru starfsmenn WOW air hvattir til að hefja umsóknarferlið sem fyrst en afgreiðsla umsókna tekur um fjórar til sex vikur eftir að öll gögn berast til Vinnumálastofnunar. Þá kemur fram að ekki sé greitt úr ábyrgðarsjóð launa fyrr en í fyrsta lagi eftir að kröfu hefur verið lýst og skiptastjóri hefur samþykkt kröfuna.

Í tilkynningu Vinnumálastofnunar segir:

Orðsending til starfsmanna WOW air

Vinnumálastofnun vekur athygli á að þeir sem hafa starfað hjá WOW air geta sótt um atvinnuleysisbætur á heimasíðu stofnunarinnar.  Áætlað er að afgreiðsla umsókna taki fjórar til sex vikur eftir að öll gögn hafa borist.  

Vinnumálastofnun hvetur fólk til að hefja umsóknarferlið sem fyrst þar sem atvinnuleysisbætur eru greiddar frá þeim degi sem umsókn berst.

Allar upplýsingar  er hægt að nálgast á vefnum vmst.is.

- Auglýsing -

Ef félagið verður tekið til gjaldþrotaskipta þarf fólk að hafa samband við stéttarfélag sitt eða lögmann og fá aðstoð við að lýsa kröfu í væntanlegt bú.  Ekki er greitt úr Ábyrgðarsjóði launa fyrr en í fyrsta lagi eftir að kröfu hefur verið lýst og skiptastjóri hefur samþykkt kröfuna.

Á morgun föstudaginn 29. mars verður opið á þjónustuskrifstofum Vinnumálastofnunar í Kringlunni 1, í Reykjavík og Krossmóum 4 í Reykjanesbæ, á milli klukkan 13 og 16 fyrir starfsfólk WOW air sem þarfnast frekari upplýsinga en fram koma á vefnum.  Jafnframt er aðstoðað við umsókn um atvinnuleysisbætur fyrir þá sem þess óska.

Á mbl.is kemur þá fram að Vinnu­mál­astofn­un hafi sett í gang í morgun sér­staka viðbragðsáætl­un vegna WOW air og stöðvun­ar á starf­semi fé­lags­ins.

- Auglýsing -

Mynd / Skjáskot af vef Vinnumálastofnunar

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -