Sjáið Gunnar Nelson fara á kostum sem Michael Jackson

Bardagakappinn Gunnar Nelson fer algjörlega á kostum í nýju árshátíðarmyndbandi bardagafélagsins Mjölnis. Í myndbandinu bregður Gunnar sér í hlutverk Michael Jackson í endurgerð á myndbandi við lagið Beat It.

Í myndbandinu má sjá Gunnar dansa eins og enginn sé morgundagurinn í rauðum leðurjakka en fyrrverandi knattspyrnukapinn Gunnar Einarsson og Haraldur Dean Nelson, faðir Gunnars, sýna einnig frábæra takta í myndbandinu.

Þetta er ekki í fyrsta sinn sem árshátíðarmyndband Mjölnis vekur athygli en árið 2016 gerði félagið myndband við lagið Sorry með Justin Bieber.

Árið 2015 var það Chandelier með Sia sem átti hug og hjörtu Mjölnisliða, en í því myndbandi sýndi einmitt fyrrnefndur Gunnar Nelson frábæra danshæfileika sína.