Skiptar skoðanir um flutning hennar á þjóðsönginum - Mannlíf

Skiptar skoðanir um flutning hennar á þjóðsönginum

Söngkonan Fergie söng þjóðsöng Bandaríkjanna á NBA All-Star-leiknum á sunnudagskvöld. Flutningur hennar hefur heldur betur vakið upp sterk viðbrögð.

Fergie ákvað að gera þjóðsönginn að sínum eigin og bauð upp á heldur betur djassaða og þokkafulla útgáfu af söngnum eins og sjá má hér fyrir neðan.

Meðal þeirra sem voru ekki parsáttir við flutninginn var körfuboltahetjan Charles Barkley, sem lýsti leiknum ásamt öðrum. Hann vildi endilega tala um sönginn strax eftir að honum lauk en önnur körfuboltahetja, sjálfur Shaquille O’Neal, varði Fergie með kjafti og klóm.

„Láttu Fergie mína í friði. Fergie, ég elska þig. Þetta var öðruvísi, þetta var sexí,“ sagði Shaquille.

„Þetta var heldur betur öðruvísi. Ég held að ég þurfi sígarettu eftir þetta,“ svaraði Charles Barkley.

Raunveruleikastjarnan Khloé Kardashian var heldur ekki hrifin af flutningnum, eins og sjá mátti á Twitter.

„Ég er ringluð eftir þessa opnun á All Star. Hvað í fjandanum er í gangi? Einhver?“ tísti hún.

Einhverjir tístarar líktu frammistöðu Fergie einnig við Jessicu Rabbit í myndinni Who Framed Roger Rabbit en hér fyrir neðan má sjá nokkur viðbrögð tístara:

Texti / Lilja Katrín
lilja@birtingur.is

Sjá einnig

Kaupa áskrift
Kaupa áskrift

Vinsæl íslensk og vegleg tímarit

Ef þú vilt tryggja þér glæsileg og vegleg tímarit, komdu í áskrift!

Kaupa áskrift