Skólastýra Ölduselsskóla látin 37 ára að aldri

Birna Sif Bjarna­dótt­ir, skóla­stjóri Öldu­sels­skóla í Reykja­vík, var bráðkvödd á heim­ili sínu síðastliðinn fimmtu­dag, 27. júní. Hún var 37 ára. Birna lætur eftir sig eiginmann og þrjár dætur. Mbl.is greinir frá.

Eiginmaður Birnu er Bjarki Þórarinsson, byggingartæknifræðingur hjá Mannvit. Saman áttu þau dæturnar Ronju Rut fædd 2008, Birgittu Sigríði fædd 2011 og Birtu Dís fædd 2015.

Birna Sif fæddist í Reykja­vík 2. sept­em­ber 1981. Foreldrar hennar eru Bjarni Þ. Bjarna­son­ og Sig­ríður Ólafs­dótt­ir. Hún lauk meistaragráðu í uppeldis- og menntunarfræði við Háskóla Íslands. Í náminu lagði hún áherslu á stjórn­un­ar­fræði mennta­stofn­ana. Birna starfaði sem grunnskólakennari við Ölduselskóla í áratug eftir námið. Áður en hún tók við sem skólastjóri starfaði hún í Flataskóla í Garðabæ sem deildarstjóri í eitt ár og svo aðstoðarskólastjóri Breiðholtsskóla.