Sóley til varnar Þórhildi Sunnu: Konum refsað harkalega en karlar saklausir uns sekt er sönnuð

„Feðraveldið viðheldur sér með því að fella niður kærur og ásakanir um glæpi karla eins hratt og fljótt og hægt er,” skrifar Sóley Tómasdóttir á Facebook. „[Þeir] gæta þess vandlega að konum sem tala, afhjúpa og gagnrýna sé refsað með öllum tiltækum ráðum.”

 

Tilefnið er niðurstaða forsætisnefndar í máli Þórhildar Sunnu Ævarsdóttur, þingflokksformann Pírata, Þórhildur er talin hafa brotið siðareglur alþingis þegar hún sagði að rökstuddur grunur væri um að þingmaður Sjálfstæðisflokksins hefði dregið sér fé í tengslum við endurgreiðslur frá þinginu. Þingmaðurinn sem um ræðir er Ásmundur Friðriksson. Þórhildur Sunna lét ummælin falla í Silfrinu á RÚV í febrúar 2018.

„Á undanförnum mánuðum höfum við séð hvernig Þórhildur Sunna, Bára, Hildur og Oddný hafa verið dæmdar og úthrópaðar fyrir óþekkt við ríkjandi valdakerfi,” skrifar Sóley. „Um Klaustursþingmenn, Ásmund ökuþór og langflesta nauðgara landsins gildir aftur á móti að þeir séu saklausir uns sekt er sönnuð.”

„Minn gamli flokkur er ekki hótinu skárri en aðrir í þessum efnum. Auðvitað er forseti Alþingis í stöðu til að brjóta upp hefðir og breyta vinnubrögðum til að skapa sanngjarnara samfélag. En hann nýtir það ekki.” Sóley er fyrrverandi oddviti Vinstri grænna í borgarstjórn.

AUGLÝSING


Feðraveldið viðheldur sér með því að fella niður kærur og ásakanir um glæpi karla eins hratt og fljótt og hægt er en…

Posted by Sóley Tómasdóttir on Miðvikudagur, 26. júní 2019

Sjá einnig: Þórhildur Sunna stendur við orð sín um Ásmund Friðriksson

Ekki missa af þessum

Annað áhugavert efni

Nýjast á Mannlíf.is