Tónlistarfólkið Salka Sól og Arnar Freyr greindu frá því í gær að þau eiga von á barni. Hamingjuóskum hefur rignt yfir þau síðan þau tilkynntu um barnalánið og Salka Sól þakkar fyrir allar kveðjurnar.
„Takk fyrir allar fallegu kveðjurnar,“ skrifar Salka í færslu á Instagram og greinir frá því að lengi hafi hún óttast að hún gæti ekki aldrei eignast börn.
„Í mörg ár hélt ég að myndi aldrei geta orðið ólétt og síðustu ár var allt reynt til að láta það gerast. Ég var sett á allskonar pillur og lyf fór í aðgerðir á eggjastokkum, en ekkert virtist ganga. Það er ótrúlegur kvíði og vanlíðan sem fylgir því komast að eigin ófrjósemi. Maður hugsar alls ekki rökrétt og allar fréttir af börnum og ólettum urðu svo erfiðar og það var mikið grátið.“
Hún bætir við: „Við Arnar fórum svo á fund hjá Livio og ákváðum að fara í tæknifrjóvgun sem er langt og strangt ferli. Það var því svo mikill léttir þegar hún gekk hjá okkur í fyrstu tilraun eftir allar sorgina sem gekk á undan. Við náðum aðeins einu eggi sem var sett í frysti og síðan var það sett upp. Þess vegna köllum við þann sem er i bumbunni Litla Lurkinn okkar. Ég treysti mér aldrei til að tala um þetta opinberlega, sorgin og kvíðinn sem fylgdi þessu var einfaldlega of mikill. Ég var hins vegar mjög opin með þetta við fólkið mitt, en núna finnst mér gott að létta af mér. Við getum ekki beðið eftir því að verða foreldrar þessa barns.“
Sjá einnig: Salka Sól og Arnar eiga von á barni
Mynd / Salka Sól