Stórar fréttir bárust úr tískuheiminum í dag því hönnuðurinn Karl Lagerfeld er látinn. Hann varð 85 ára.
Lagerfeld var áhrifamikill og margt fólk hefur minnst hans í dag á samfélagsmiðlum, ekki síst fræga fólkið sem klæddist gjarnan hönnun hans á rauða dreglinum.
Þar á meðal er leikkonan Diane Kruger en hún var afar hrifin af hönnun Karl Lagerfeld og vann mikið með honum.
Fyrirsæturnar og systurnar Bella og Gigi Hadid og leikkonan Lindsay Lohan minntust hans einnig svo dæmi séu tekin. Sömuleiðis hjónin David og Victoria Beckham.
„Þú lést mér alltaf líða eins og prinsessu. Ég skildi aldrei hvað það var sem þú sást við mig en ég verð þér alltaf þakklát fyrir stuðninginn,“ skrifaði breska tónlistarkonan Lily Allen til dæmis en hún og Lagerfeld voru góðir vinir.
Hér fyrir neðan má sjá brot af því sem fræga fólkið hefur birt á samfélagsmiðlum í dag til heiðurs Lagerfeld.
Sjá einnig: Karl Lagerfeld er látinn