Fyrirtækið Epoxy gólf ehf. mun sýna úrval samskeytalausra og níðsterkra gólfefna um helgina. Starfsmenn búa yfir allt að 35 ára reynslu og taka vel á móti gestum.
„Epoxy gólf ehf. sérhæfir sig í gólfefnum fyrir heimili og fyrirtæki sem eru bæði samskeytalaus og níðsterk. Fyrir vikið henta þau vel þar sem kröfur eru gerðar um hreinlæti og langa endingu,“ segir Torfi Már Hreinsson, einn af eigendum fyrirtækisins. „Á sýningunni um helgina ætlum við að sýna gestum úrval af bestu lausnum okkar sem henta stórum og litlum heimilum, auk fyrirtækja og vinnurýma, á borð við matvælavinnslur, fiskvinnslur, spítala, lagerhúsnæði, sundlaugar, bílageymslur og eldhús, svo ég nefni nokkur dæmi. Yfirborð gólfa okkar er samskeytalaust og algjörlega lokað. Það þýðir að auðvelt er að þrífa gólfin og halda þeim hreinum. Starfsmenn okkar búa yfir allt að 35 ára reynslu og því óhætt að segja að gestir sýningarinnar komi ekki að tómum kofanum hjá okkur.“
„Efnið er sett á fleti þar sem óskað er eftir nútímalegu steypuútliti á gólf eða veggi.“
Úrval lausna
Fyrst nefnir hann til sögunnar Micro-Top sem er slitsterkt og langvarandi Micro-sement fyrir bæði veggi og gólf. „Efnið er sett á fleti þar sem óskað er eftir nútímalegu steypuútliti á gólf eða veggi. Þar sem þessi lausn er fullkomlega vatnsheld hentar hún einstaklega vel á baðherbergi og raunar flest önnur rými á heimilinu. Einnig mætti nefna skrifstofur og sýningarsali sem eru heppileg rými fyrir Micro-Top en það kemur í ólíkum litum.“
DECO-LINE er glæsilegt gólfefni sem býður upp á hámarksþægindi og kemur í nokkrum undirflokkum sem hann skýrir nánar. „Comfort er mjúkt og teygjanlegt gólfefni en um leið mjög slitsterkt. Það gerir það að einu endingarbesta gólfefni sem völ er á. Hægt er að blanda tveimur eða fleiri litum saman til þess að fá skemmtilega hreyfingu í gólfið.“
Comfort Ultra er enn þægilegra og mýkra gólfefni auk þess að vera með meiri dempun. „Comfort gefur auk þess ótrúlega hljóðeinangrun, eða um og yfir 18 desibil (dLw) í hávaðaminnkun.“
EVO-gólfefni er hugsað fyrir iðnað og almenn fyrirtæki, að sögn Torfa. „Um er að ræða harðasta og sterkasta pólýúretangólfefnið sem við bjóðum upp á. Kerfið er því fullkomin lausn fyrir léttan og miðlungsstóran iðnað, ólík framleiðslusvæði og vörugeymslur.“
Að lokum nefnir hann Premium-efnið sem hann segir lúxusgólfefnalausn fyrir fyrirtæki og stofnanir. „Yfirborð Premium hefur bakteríuvörn og því er lausnin mikið notuð á heilbrigðisstofnunum og rannsóknarstofum. Enda er þetta vinsælasta gólflausnin sem Quartzline, birgir okkar, framleiðir“
Sterk og viðhaldslítil
Epoxy Kvarts-gólfefnin eru endingarbestu gólfefni sem völ er á fyrir iðnað, að sögn Torfa. „Þessi gólfefni eru mjög sterk, viðhaldslítil og samskeytalaus. Við bjóðum bæði upp á hefðbundna lausn og málaða. Helsti munurinn er að liturinn á gólfefninu er í lakkinu en ekki í kvartssandinum sem gefur möguleika á hálkuvörn. Þess vegna er málað Epoxy Kvarts yfirleitt valið á fiskvinnslur og aðrar matvælavinnslur þar sem bleyta er á gólfum.“
Einnig verður til sýnis steinteppi, sem er glæsilegt gólfefni með marmara eða kvarts, auk þess sem Metallic Epoxy verður til sýnis en um er að ræða fallegt, skemmtilegt og slitsterkt gólfefni sem er hægt að fá í mismunandi litum.
Nánari upplýsingar á www.epoxygolf.is.
Stúdíó Birtíngur í samstarfi við Epoxy gólf ehf.