Clicky

 

Þar sem miðborgin og náttúran mætast

Ein mest spennandi íbúðabyggð landsins rís nú vestan megin við Perluna í Reykjavík. Þar mun á næstu árum rísa fjölbreytt byggð sem hæfir fólki á öllum aldri. Fasteignasölurnar Garðatorg og Trausti bjóða upp á opið hús á sunnudaginn.

Þessi íbúð hefur 3 svefnherbergi og er smekklega hönnuð.

Vestan megin við Perluna í Reykjavík er verið að reisa eitt mest spennandi hverfi landsins sem ber heitið Hlíðarendareitur. Þar er áformað að reisa mikinn fjölda íbúða á næstu árum í fjölbreyttri byggð sem mun innihalda íbúðir við allra hæfi.
Fögur er hlíðin kvað Gunnar um aðra hlíð við annað tilefni en það á allt eins vel við um Öskjuhlíðina á góðum degi. Öskjuhlíðin er ein af fallegustu og aðgengilegustu útivistarperlum í náttúru höfuðborgarsvæðisins og er á sama tíma staðsett stutt frá iðandi mannlífi miðborgarinnar.

Vönduð bygging á besta stað
Núna eru þrír fyrstu stigagangarnir við Smyrilshlíð komnir í sölu og verða kynningaríbúðir til sýnis á sunnudaginn. Í Smyrilshlíð verða 42 vandaðar og fallegar íbúðir frá 48 til 119 m2 að stærð. Íbúðirnar eru með góða loftun í öllum rýmum, góðum svölum með stálhandriði, timburálgluggum og álhurðum frá Gluggasmiðjunni og ekki síst með viðhaldfrítt ytra byrði sem er mikill kostur. Húsið er byggt í kringum glæsilegt miðsvæði þar sem reist verður frábær aðstaða til útiveru í skjólgóðu og rólegu umhverfi. Í þjónusturýmum á jarðhæð hússins er fyrirhugað að hýsa ýmis konar þjónustu, t.d. kaffihús, veitingaaðstöðu og ýmsa aðra þjónusta sem gerir staðsetninguna að enn fýsilegri kosti.

Hjónaherbergið er rúmgott með stóran fataskáp.

AUGLÝSING


Náttúran innan seilingar
Úr vel útbúnum íbúðunum er innan við fimm mínútna gangur í fallega náttúru Öskjuhlíðar og skammt frá er ströndin í Nauthólsvík sem iðar af lífi stóran hluta ársins. Utan strandarinnar sem er vinsæl hjá barnafólki, er þar góð aðstaða fyrir sjósundsfólk og aðrar vatnaíþróttir ásamt göngu- og hjólastígum.

Á sama tíma bíða svo lystisemdir miðborgarinnar í um 20 mínútna göngufæri þar sem finna má m.a. iðandi mannlíf og menningu, úrval veitinga- og kaffihúsa auk skemmtistaða. Verslunarmiðstöðin Kringlan er auk þess í næsta nágrenni. Nokkrir af stærstu vinnustöðum landsins eru í göngufæri úr hverfinu, þ.á m. Landspítalinn, tveir stærstu háskólar landsins, skrifstofur Icelandair og fjölmargir aðrir öflugir vinnustaðir.

Baðherbergin í húsunum eru einstaklega smekkleg.

Vel hugsað um einkabílinn
Þótt flest sem hugurinn girnist sé í göngufæri er líka hugsað vel um einkabílinn. Öllum íbúðum Smyrilshlíðar fylgja stæði í glæsilegu bílahúsi þar sem verða lagnir fyrir rafhleðslu. Aðgengi að hverfinu er gott í gegnum öflugar stofnæðar en Hringbraut/Miklabraut og Bústaðavegur liggja að hverfinu hver úr sinni áttinni. Fyrir vikið eru íbúar hverfisins snöggir að koma sér milli ólíkra hverfa höfuðborgarsvæðisins.
Opið hús verður sunnudaginn 26. maí milli kl. 13.30 og 15. Kynningaríbúðirnar eru staðsettar í Smárahlíð 2 sem er hvíti hlutinn á norðurhliðinni. Það eru fasteignasölurnar Garðatorg og Trausti sem eru með íbúðirnar í sölu.

Nánari upplýsingar, teikningar og myndir má finna á www.hlidin.is.

Nýju húsin við Smyrilshlíð eru einstaklega falleg.

Ekki missa af þessum

Annað áhugavert efni