Þriðjudagur 19. mars, 2024
-0.2 C
Reykjavik

Þrír landsliðsmenn til liðs við KR

VefTv

- Auglýsing -

Hlaðvörp

- Auglýsing -

KR styrkir stöðu sína í körfu með þremur öflugum og reyndum leikmönnum.

Brynjar Björn Björnsson og bræðurnir Jakob Sigurðsson og Matthías Sigurðsson hafa allir samið við körfuknattleiksdeild KR fyrir næsta vetur. Boðað var til blaðamannafundar í höfuðstöðvum Alvogen, stærsta styrktaraðila liðsins, í Vatnsmýrinni nú síðdegis þar sem samningur var undirritaður.

Með því að styrkja stöðu sína enn frekar er ljóst að hinir sexföldu Íslandsmeistarar í KR ætla sér stóra hluti á komandi leiktíð, enda um þrjá öfluga leikmenn að ræða. Þannig eiga Jakob og Brynjar báðir langan og farsælan landsliðsferil að baki og hafi um nokkurt skeið verið í hópi sterkustu körfuknattleiksmanna landsins. Jakob hefur spilað í Svíþjóð við góðan orðstír undanfarin ár, nú síðast með Boras Basket þar sem hann fór alla leið í úrslitaeinvígi sænsku úrvalsdeildarinnar.

Síðast spilaði hann á Íslandi árið 2009 þegar hann varð Íslandsmeistari með KR. Bróðir hans Matthías, sem er sömuleiðis uppalinn KR -ingur, hefur spilað með ÍR síðastliðin þrjú ár og gert gott mót, en hann leiddi meðal annars liðið alla leið í úrslit Íslandsmótsins þar sem það tapaði gegn KR í úrslitaeinvíginu. Verður þetta í fyrsta sinn sem bræðurnir leika saman með KR, en samningur Matthíasar er til tveggja ára og Jakobs til eins árs.

Þriðji leikmaðurinn Brynjar Björn spilaði með Tindastól á síðustu leiktíð en hann er líka uppalinn hjá KR og því má segja að samningurinn marki að sama skapi endurkomu hans í Vesturbæinn

Þess má geta að Böðvar Guðjónsson, formaður körfuknattleiksdeildar KR, greindi jafnframt frá því á fundinum að KR-ingar hefðu í hyggju að vera með einn erlendan leikmann í liðinu.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -