Fimmtudagur 28. mars, 2024
0.8 C
Reykjavik

„Traustir vinir og samstarfsfélagar í tvo áratugi“

VefTv

- Auglýsing -

Hlaðvörp

- Auglýsing -

Hljómsveitin Á móti sól er orðin 20 ára. Sveitin ætla að halda upp á þessi tímamót í Bæjarbíói í Hafnarfirði föstudaginn 13. september.

 

Fyrir sléttum 20 árum var Magni Ásgeirsson að vinna í bakaríi austur á Egilsstöðum. Hann var í rokkhljómsveit í bænum sem var að lognast út af því allir í bandinu voru að flytja til Reykjavíkur, og stefndi hvorki að heimsyfirráðum né dauða. En langlínusímtal frá Selfossi átti eftir að breyta plönum bakaradrengsins og sveitastráksins rækilega. Þann 12. september hringdi síminn og Magna var boðið að gerast söngvari í hljómsveitinni Á móti sól.

Þannig rifjar Heimir Eyvindarson, hljómborðsleikari og lagahöfundur, upp hvernig til kom að sveitastrákurinn að austan, varð söngvari í einni vinsælustu hljómsveit Íslands síðustu árin.

„Magni tók boðinu fegins hendi, hætti í bakaríinu og flutti suður með félögum sínum daginn eftir. Örfáum dögum seinna söng hann á sínu fyrsta balli með hljómsveitinni og síðan þá eru böllin og tónleikarnir að verða óteljandi, enda höfum við starfað sleitulaust í öll þessi ár, ef frá er talinn tíminn sem það tók Magna að taka þátt í Rockstar Supernova sumarið 2006. Frægðarsól okkar reis um helming eftir að Magni kom til sögunnar, enda drengurinn bæði frábær söngvari og einstakt ljúfmenni sem allir vilja hafa í kringum sig,“ segir Heimir.

„Frægðarsól okkar reis um helming eftir að Magni kom til sögunnar.“

Hljómsveitin hefur sent frá sér sex plötur, fjórar þeirra hafa náð gullplötusölu. Hún hefur einnig gefið út fjölda vinsælla laga, sem allir þekkja og geta sungið með. Lög eins og Á þig, Spenntur, Hvar sem ég fer, Ég verð að komast aftur heim svo nokkur séu nefnd. „Það skondna er þó að tvær vinsælustu plötur okkar eiga það sameiginlegt að innihalda eingöngu lög eftir aðra: 12 íslensk topplög og Hin 12 topplögin,“ segir Heimir.

Á móti sól ætla að halda upp á þessi tímamót í Bæjarbíói í Hafnarfirði föstudaginn 13. september. „Þar tekur hljómsveitin nokkur af sínum bestu og þekktustu lögum í bland við uppáhaldslögin okkar af topplagaplötunum tveimur. Pétur Örn Guðmundsson hjálpar til við raddir og hljóðfæraslátt og svo kemur stórkostlegur leynigestur og syngur tvö lög með Magna,“ segir Heimir.

- Auglýsing -

Aðdáendur strákanna geta keypt miða á midi.is og fagnað tímamótunum með þeim.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -