Upplýsingar um 420 fasteignir sendar á skattrannsóknaryfirvöld

Þrjú þúsund ábendingar um óleyfilega skammtímaleigu hafa borist yfirvöldum. Upplýsingar um 420 fasteignir hafa ratað á borð skattrannsóknaryfirvalda.

Fréttablaðið greinir frá því í morgun að 59 mál ólöglegrar heimagistingar séu hjá lögreglu. Þegar hafi 61 máli lokið með stjórnvaldssektum. Sektir vegna herts eftirlits nema um 100 milljónum.

„Á árinu 2017 var áætlað að allt að 80 prósent skammtímaleigu á Íslandi færu fram án tilskilinna leyfa eða skráningar. Sýslumaður áætlar að óskráðum og leyfislausum gististöðum hafi fækkað um meira en 30 prósent frá því að átakið hófst. Í janúar hafði orðið 400 prósenta aukning á tíðni skráninga slíkra eigna ef miðað er við tölur frá sama tímabili í fyrra,“ er greint frá í Fréttablaðinu.

Sýslumaður telu um helming skammtímagistingar án tilskilinna leyfa í dag.

Ekki missa af þessum

Annað áhugavert efni

Nýjast á Mannlíf.is