Var ekki sátt við Ásdísi Rán

Athafnakonan Ásdís Rán Gunnarsdóttir sökuð um að hafa stolið nafnbótinni IceQueen.

„Ég var kölluð þessu nafni löngu áður en Ásdís byrjaði að nota það enda hef ég farið á flesta jökla landsins, er annáluð fyrir ást mína á snjó, ís, jöklaferðum, ísáti, er frá Ísafirði og á ættir úr Ísafjarðardjúpi.“

Þetta segir Ásta Dís Guðjónsdóttir, samhæfingarstjóri hjá Pepp Ísland, samtök fólks í fátækt, í athugasemd við frétt DV um fréttatilkynningu ísdrottningarinnar Ásdísar Ránar Gunnarsdóttur, þar sem fram kemur að Ásdís Rán hafi neyðst til að fá einkaleyfi á nafninu IceQueen þar sem óprúttnir aðilar hafi stolið nafnbótinni af sér. Undanfarið hefur borið á því að stúlkur hafa verið að nota nafnið og þar á meðal ein sem hefur verið iðin við að kalla sig IceQueen og er nú líka byrjuð að nota nafnið undir sína hönnun by IceQueen (eins og mínar vörur), segir í fréttatilkynningu Ásdísar Ránar.

„Mér finnst þetta virkilega leim og kjánalegt að einhver skuli gera svona og ekki getað fundið sitt eigið nafn og byggt það upp í staðinn fyrir að stela vörumerki sem ég hef lagt yfir 20 ára vinnu í. En svona getur fólk verið ósvífið! Ég vil allavega koma þessu á framfæri og vil biðja þá sem eru að nýta sér nafnið á einhvern hátt að hætta því strax vinsamlegast.“

„Verði henni að góðu“

Þegar Ásdís svo geystist fram í fjölmiðlum og kallaði sig hina einu sönnu ísdrottningu var ég að sjálfsögðu ekki sátt við dömuna.

AUGLÝSING


Fyrrnefnd Ásta Dís segist hins vegar skemmta sér yfir þessari yfirlýsingu Ásdísar Ránar í ljósi þess að sem hún hafi á sínum tíma bent Ásdísi Rán á að nafnbótin væri þegar í notkun. Ég var víða þekkt undir þessu nafni, átti IceQueen nafnið á ótal síðum, bloggaði sem Ísdrottningin auk þess sem fjölskyldumeðlimir áttu allir sín ís-viðurnöfn. Þegar Ásdís svo geystist fram í fjölmiðlum og kallaði sig hina einu sönnu ísdrottningu var ég að sjálfsögðu ekki sátt við dömuna, benti henni á að nafnið væri í fullri notkun en datt ekki í hug að lítilsvirða mig frekar, skrifar Ásta Dís í athugasemd sinni.

„Ég ávann mér þessa nafnbót á sínum tíma, hvorki tók mér hana né stal en ég hef alltaf verið meira fyrir frumleika en eftiröpun svo ég segi bara, verði henni að góðu.

Mynd/ Skjáskot af Instagram

Ekki missa af þessum

Annað áhugavert efni

Nýjast á Mannlíf.is