Verð hótela og gistiheimila lækkað um tæp 22% á rúmu ári

Verð á þjónustu hótela og gistiheimila hér á landi hefur farið lækkandi síðan í desember 2017. Lækkunin mælist bæði í krónum og evrum. Hún er meiri í evrum vegna veikingar krónuninnar. Þetta kemur fram í tilkynningu Hagsjár.

Sé horft á liðinn „þjónusta hótela og gistiheimila“ nemur lækkunin nú í maí um 21,9% borið saman við sama tímabil í fyrra. „Þetta er mesta verðlækkun á 12 mánaða grundvelli í evrum síðan í maí 2009,” segir í tilkynningunni. „Verðlækkunin í krónum nam 12,4%.” 

„Að undanskyldri lítils háttar verðhækkun í júní og ágúst á síðasta ári hefur verðið stefnt ákveðið niður á við. Þetta verðlækkunartímabil hófst í desember 2017 og hefur það staðið nær óslitið síðan þá.” Þá þarf að fara aftur til maí 2014 til að finna meiri verðlækkun í krónum. „Sé horft á mælinguna í evrum var þetta níundi mánuðurinn í röð þar sem verðið lækkar frá sama mánuði árið áður.”

Ekki missa af þessum

Annað áhugavert efni

Nýjast á Mannlíf.is