Verslað í matinn með Miröndu Kerr

Ofurfyrirsætan Miranda Kerr, sem er hvað þekktust fyrir að vera engill nærfatarisans Victoria’s Secret, stjórnar vikulegum þáttum á myndbandarás tímaritsins Harper’s Bazaar sem heita Little Black Book of Wellness. Í þáttunum fáum við innsýn í líf ofurfyrirsætunnar og sjáum hvernig hún heldur sér í góðu jafnvægi, bæði andlega og líkamlega.

Í nýjasta þættinum talar Miranda mikið um kosti þess að stunda kundalini jóga, en það er nánast eina hreyfingin sem hún stundar.

Þá fer Miranda líka í matvöruverslun og sýnir áhorfendum hvað hún lætur ofan í sig. Það kemur líklegast ekki á óvart að Miranda er lítið í ruslfæði og skyndibita og velur frekar að versla sér ferskt grænmeti og ávexti. Hún elskar lárperu og greipaldin og leggur mikið upp úr því að versla sér mat sem er lífrænn.

Þegar kemur að eggjum og kjúlkingi kaupir hún eingöngu afurðir af hænum í lausagöngu.

Eins og áhorfendur fá að sjá og heyra í meðfylgjandi þætti á Miranda von á barni með milljarðamæringnum Evan Spiegel, meðstofnanda Snapchat. Evan og Miranda trúlofuðu sig í júlí árið 2016 og giftu sig í maí ári síðar. Það var svo í nóvember í fyrra að þau tilkynntu að þau ættu von á sínu fyrsta barni saman.

AUGLÝSING


Fyrir á Miranda soninn Flynn Cristopher Blanchard Copeland Bloom með leikaranum Orlando Bloom, en snáðinn kom í heiminn þann 6. janúar árið 2011. Miranda og Orlando byrjuðu saman seint á árinu 2007 og gengu í það heilaga árið 2012. Þau skildu þremur árum síðar.

Texti / Lilja Katrín
[email protected]

Ekki missa af þessum

Annað áhugavert efni

Nýjast á Mannlíf.is