Í þessum fyrsta þætti fjallar Jón Sigurður Eyjólfsson um þá kenningu sína að illt umtal sé hagstætt fyrir menn og þjóðir og segir að við Íslendingar ættum að vera meðvituð um það, því ekki sé það lítið sem við höfum borið úr býtum eftir að við rústuðum orðspori okkar. Hefur hann, frá því þetta varð honum ljóst, notað illt umtal til að auglýsa þjóð sína þar syðra og árangurinn lætur ekki á sér standa.
Því næst fjallar hann um, það sem hann kallar fallegasta lag veraldar, lagið Alfonsína y el mar eða Alfonsía og hafið. Sagan á bakvið það er harmleikur argentínsku skáldkonunnar Alfonsinu Storni en örlög hennar minna um margt á þjóðsöguna um sjómanninn og selkonuna, sem annaðhvort var kona í selsham eða öfugt. Það var kennari Alfonsínu sem komu sögu hennar til tónskáldsins Ariel Ramírez, eins fremsta tónskálds Argentínu, sem komst ekki hjá því að semja þetta sorglega lag. Sú sem fyrst flutti það var söngkonan heimsfræga Mercedes Sosa en allavega eitt af þeim lögum sem hún gerði frægt komst í íslenskan búning og var flutt hér við góðan orðstýr.
Þess er sjálfsagt að geta að fararskjótinn, Rucio, er hinn frægi asni sem Sancho Pancha reið á í hinni frægu skáldsögu Don Kíkóte eftir Miguel de Cervantes.
Athugasemdir