Rúntað á Rucio – 2. þáttur: Gott að gera sig að fífli

Fæstum þykir það gott að gera sig að fífli og hvað þá að fara þangað sem þeir eiga ekk­ert erindi og vera þar kall­aðir bölv­aðir við­van­ingar. Þeir Jón Sigurður og Rucio eru hins­vegar á því að þetta sé hið besta mál og því til sann­inda­merkis draga þeir fram reynslu Jóns Sigurðar á ólífura­krinum hér á Spáni þar sem hann gerði sig að algjöru fífli en þó með hreint dásam­legum afleið­ingum. Hann er allt annar maður á eftir.

Jón Sigurður rekur þessar raunir sínar sem fóru svo far­sæl­lega. Svo tala þeir ferða­fé­lagar um söngvaskáldið Jorge Drexler sem kom frá Úrugvæ til Spánar eftir hvatn­ing­ar­orð frá Joaquin Sabina, sem er lík­leg­ast fræg­asti tón­lista­maður þeirra Spán­verja, ein­hvers­konar
Bubbi, mætti segja. Drexler sló í gegn en þó var hann ekki nógu frægur til að fá að stíga á stokk á Ósk­arsverð­launa­há­tíð­inni þó hann væri til­nefndur til þeirra verð­launa fyrir lag sitt Al otro lado del Río (Hinumegin við ánna). Svo í stað þess að vera heiðr­aður var honum refsað og það af ekki minni mönnum en Antonio Banderas og Carlosi Santana. Eins gott að vera heims­frægur ef maður er til­nefndur til svona verð­launa.