Fimmtudagur 28. mars, 2024
3.8 C
Reykjavik

Hátíðleg heimili og jólakúlur úr hundahárum í hátíðarblaði Húsa og híbýla

VefTv

- Auglýsing -

Hlaðvörp

- Auglýsing -

Síðasta tölublað Húsa og híbýla þetta árið var að koma í verslanir smekkfullt af jólalegum hugmyndum og hátíðlegum heimilum. Fimm hönnuður gerðu fyrir blaðið jólakúlur og var ein þeirra gerð úr þæfðum hundahárum!

Heiðdís Inga Hilmarsdóttir vöruhönnuður bjó til jólakúlur úr þæfðum hundahárum.

Jólatréð er fallega skreytt með kertaseríu og hvítum kúlum. Hvítur jólapappír og rauður borði með grænum greinum steinliggur.

Forsíðuinnlitið er fallega mínimalískt heimili í Laugardalnum þar sem greni og grænar greinar gefa heimilinu hátíðlegan blæ. Þarna býr leikkonan og flugfreyjan Íris Tanja ásamt unnusta sínum og tveimur börnum. Ekki missa af þessu ofursmarta en látlausa heimili.

Aðventukransinn er skemmtilega öðruvísi með trópísku ívafi.

Eva Sigrún og Samúel búa í gömlu skriftstofuhúsnæði í Vesturbænum. Eva er mikill fagurkeri og hefur næmt auga fyrir notuðum munum og hönnunargersemum. Hún blandar skemmtilega saman litum og framandi hlutum sem gefa heimilinu sterkan karakter.

Bryndís María Tómasdóttir er mikil smekkkona og heimilið ber þess glöggt merki

Í hátíðarblaðinu er líka að finna innlit til Bryndísar Maríu og Thomasar Möller sem eiga glæsilega íbúð á sjöundu hæð á Garðatorgi í Garðbæ. Bryndís átti hér áður verslunina Soldis sem margir kannast eflaust við en þar seldi hún sérlega lekker silkiblóm í mörg ár. Núna á Bryndís, ásamt Sóleyju Jóhannsdóttur, verslunina KAIU sem er í Listhúsinu í Laugardal. Bryndís tók vel á móti blaðamanni og ljósmyndara með rjúkandi kaffi og fíraði upp í arninum fyrir myndatökuna. Þetta heimili er augnakonfekt, meira um það í hátíðarblaðinu.

- Auglýsing -

Linnea sem á og rekur verslunina Petit á fallegt heimili í Fossvoginum þar sem hún býr ásamt fótboltamanninum sínum Gunnari Þór og þremur börnum þeirra. Stíllinn á heimilinu er léttur og skandinavískur sem kemur ekki óvart því Linnea er ættuð frá Svíþjóð. „Ég er ansi lunkin í því að finna fallega hluti sem kosta lítið og er dugleg að fara bæði á flóamarkaði og finna gersemar í verslunum eins og Bauhaus – ódýrari hluti sem eru samt sem áður vandaðir. Ég er stolt að segja fólki frá því að ég hafi gert góð kaup“! Hún segist vera dugleg að fara eigin leiðir til að ná fram þeim stíl sem hún vill hafa á heimilinu og nefnir meðal annars mottuna í stofunni, en hún einfaldlega pantaði teppi ætlað á stigaganga í fjölbýli sem búið var að skera í þá stærð sem hentaði.

Auður á blómaverkstæði á Garðatorgi þar sem sérlega fallegar skreytingar úr smiðju Auðar njóta sín

Við fengum Auði Árnadóttur blómaskreyti til að dekka upp hátíðarborð þar sem þemað var náttúran, blóm og glimmer. Auður kveikti á stjörnuljósum og blysum fyrir myndatökuna og tjaldaði öllu til, útkoman var hressandi og stemmningin ekta eins og á gamlárskvöld. Þetta og fullt fleira í hátíðarblaði Húsa og híbýla. Ekki missa af því!

- Auglýsing -

 

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -