2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    HönnunarMars: Viður í forgrunni í Hafnarborg

    Boðið verður upp á sérstaka dagskrá í Hafnarborg, Strandgötu 34 Hafnarfirði, dagana 24. – 28. júní í tengslum við sýninguna efni:við, sem opnaði í upphafi sumars.

     

    Verk eftir Guðjón Ketilsson.

    Á sýningu Hafnarborgar í ár er viður sem efni í forgrunni. Eins og fram kemur í fréttatilkynningu var hugmyndin að tefla saman hönnuðum og listafólki með mismunandi bakgrunn og ólíkar áherslur í myndmáli, sem eiga það sameiginlegt að vinna með og kljást við efniviðinn, í einni eða annarri mynd. Sjónum er jafnframt beint að mörkum listgreina sem hafa orðið sífellt óljósari á síðustu árum og eru jafnvel að einhverju marki hætt að skipta máli.

    Eftir Björn Steinar Blumenstein.

    AUGLÝSING


    Dagskráin er eftirfarandi.

    Hádegisleiðsögn með sýningarstjóra
    24.–26. júní kl. 12

    Á virkum dögum verður boðið upp á stutta hádegisleiðsögn um sýninguna efni:við, á meðan HönnunarMars stendur yfir. Unnur Mjöll S. Leifsdóttir, sýningarstjóri, tekur á móti gestum og segir þeim frá sýningunni, völdum verkum og fleiru. Leiðsögnin hefst tímanlega kl. 12 og varir í tæpan hálftíma.

    Kvöldopnun
    25. júní kl. 17–21
    Kvöldopnun verður í safninu fimmtudaginn 25. júní, frá kl. 17–21, þar sem gestum gefst tækifæri til að skoða sýninguna utan hefðbundins opnunartíma.

    Sýnendaspjall – Björn Steinar Blumenstein og Unndór Egill Jónsson
    27. júní kl. 14
    Um helgina munu eiga sér stað spjöll á milli nokkurra þátttakenda sýningarinnar, þar sem gestir geta fengið innsýn í ferli hönnunar og listsköpunar. Í fyrra sýnendaspjalli, laugardaginn 27. júní, mætast vöruhönnuðurinn Björn Steinar Blumenstein og myndlistarmaðurinn Unndór Egill Jónsson. Þá verður meðal annars rætt hvað er líkt og ólíkt með nálgun hönnuða og myndlistarmanna við sama efni:við.

    Sýnendaspjall – Agustav og Sindri Leifsson
    28. júní kl. 14
    Í síðara sýnendaspjalli helgarinnar, sunnudaginn 28. júní, mætast hönnunarteymið Agustav, skipað þeim Ágústu Magnúsdóttur og Gustav Jóhannssyni, og myndlistarmaðurinn Sindri Leifsson. Rætt verður um mismunandi sjónarmið og þær svipuðu áskoranir sem felast í því að eiga við sama efni:við.

    Ókeypis aðgangur er að öllum viðburðum, líkt og sýningum safnsins.

    Lestu meira

    Annað áhugavert efni

    Nýjast á Mannlíf.is