2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Kam Ce Kam – frá efni til sköpunar

    Kam Ce Kam var stofnað árið 2019 af hönnuðinum Jehanara Knowles sem ólst upp í Nýju Delí og London. Vöruúrval fyrirtækisins samanstendur af húsgögnum og fylgihlutum fyrir heimilið og er stofnað undir formerkjum ástríðu og heilinda, auk ósvikinnar löngunar til þess að endurvekja arfleifð indversks handverks, á yfirvegaðan og nútímalegan hátt.

    Kjarninn í framleiðslu Kam Ce Kam er meðvituð notkun á náttúrunni og er sjálfbærni þeim ofarlega í huga. Verkin hafa skírskotun í nýlendutímana og eru aðlöguð að nútímalífsstíl. Einstaklega fallegt samspil fjölmenningar Indlands og Bretlands sem lifnar við nú á 21. öldinni.

    Skilrúm og stólar úr viði og reyr. Sófaborð með marmaraborðplötu og viðarumgjörð.

    Mynd / Kam Ce Kam

    AUGLÝSING


    TERA-stóllinn er innblásinn af danskri hönnun frá 70’s tímabilinu.

    Hver vara er innblásin af hefðbundnu handverki sem á sama tíma segir sögu framleiðandans og efnanna sem notuð eru. Hönnuðir fyrirtækisins vinna með náttúruleg hráefni líkt og timbur, stein, leður, reyr og marmara og notast er við aldagamlar aðferðir í hönnunarferlinu.

    NAMAK-krúsirnar eru innblásnar af staflanlegum málmboxum frá Indlandi, sem notaðar voru til þess að geyma mat.

    SOLA-spegillinn er úr aski og reyr, með leðuról og viðarkróki.

    Falleg trélistaverk.

    Notast er við aldagamlar aðferðir í hönnunarferlinu.

    Lestu meira

    Annað áhugavert efni

    Nýjast á Mannlíf.is