2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Kínverskir hönnuðir hugsa í lausnum í kjölfar útbreiðslu COVID-19

    Sex hönnuðir frá Kína hafa tekið sig til og búið til seríu af vörum sem eiga að efla lýðheilsu í kjölfar kórónaveirunnar COVID-19. Vörurnar eru hannaðar til þess að vernda bæði notandann og þá sem eru í kringum hann fyrir útbreiðsla smitsjúkdóma.

     

    Serían hefur hlotið nafnið Create Cures (CC) sem er tilvísun í góðgerðarstofnunina Create Cures Foundation sem stofnuð var árið 2015 og hefur það að markmiði að efla skapandi fræðslu, þekkingu og gera fólk meðvitað um þær vísindalegu rannsóknir sem miða að því að bæta lýðheilsu.

    Frank Chou opnaði Frank Chou Design Studio árið 2012. Til hægri er the Middle chair sem Chou hannaði út frá hinum hefðbundna kínverska bambusstól.

    Frank Chou, sem hafði frumkvæði að verkefninu, segir að þeir sem hönnuðir verði að geta endurskilgreint hvað hönnun er þegar staðið er frammi fyrir ástandi sem þessu og líta á þetta sem tækifæri og áskorun í hönnun; hvað sé hægt að gera og gefa af sér. Að sögn Chou er þetta langtímaverkefni sem ekki er rekið í hagnaðarskyni. Verkefnið er enn á byrjunarstigi og vonast þeir til að fleiri hönnuðir og fólk í skapandi greinum, fjölmiðlar og aðrar stofnanir gangi til liðs við sig.

    AUGLÝSING


    Sterilising-lampinn sótthreinsar tól og tæki með útfjólubláum geislum.

    Sterilising-lampinn eftir Chou gefur frá sér útfljólublátt ljós (UV), sem notað er fyrir dauðhreinsun vinnusvæða og tóla, og er hann hugsaður í forstofu á heimili notandans. Lampinn hefur bakka undir skerminum sem er ætlaður til þess að setja hluti á líkt og síma, lykla og veski.

    Skerminum er ýtt niður og hylur þannig hlutina og virkjar innri UV-ljósgjafann. Eftir 60 sekúndur lyftist skermurinn sjálfkrafa upp og hafa þá hlutirnir verið sótthreinsaðir. Með þessari hönnun vonast Chou til þess að skapa vörur sem geta orðið hluti af daglegu lífi fólks á tímum sem þessum.

     

    Lestu meira

    Annað áhugavert efni

    Nýjast á Mannlíf.is