2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Fimm hljóta tilnefningu til Hönnunarverðlauna Íslands 2019

    Fimm fyrirtæki/vörumerki hljóta tilnefningu til Hönnunarverðlauna Íslands 2019. Um er að ræða forval dómnefndar sem í ár er skipuð þeim Guðrúnu Lilju Gunnlaugsdóttur, formanni dómnefndar, Herði Lárussyni, Sigrúnu Birgisdóttur, Sigrúnu Höllu Unnarsdóttur, Eddu Björk Ragnarsdóttur og Daniel Golling.

     

    Þetta eru þau fyrirtæki/vörumerki sem hljóta tilnefningu.

    Wave – Genki Instruments

    Wave hringurinn eftir Genki Instruments er hannaður til að auka upplifun og túlkun í tónlist. Hringurinn er framsækin tæknilausn sem eykur möguleika tónlistamanna til sköpunar á þægilegan og notendavænan hátt.

    Lauf – True grit

    True Grit er nýtt malarhjól sem byggir á hönnun Lauf Forks á léttasta hágæða demparagaffli í heimi. Lauf kom fyrst á markað með Lauf Forks, gaffallinn sem hefur rutt brautina fyrir hönnun reiðhjóla undir vörumerki Lauf, True Grit sem eru eðlilegt framhald af þróun Lauf Forks.

    AUGLÝSING


    Lauf – True grit

    HEIMA – Búi Bjarmar og UNICEF

    HEIMA er hönnunarverkefni sem skoðar móttöku flóttabarna í leit að alþjóðlegri vernd frá sjónarhóli barnanna. Í verkefninu rýna Búi Bjarmar Aðalsteinsson, hönnuður og UNICEF hvernig staðið er að móttöku fylgdarlausra flóttabarna, sem sækja um alþjóðlega vernd á Íslandi, með notenda- og mannmiðaða hönnun og velferð barnanna að leiðarljósi.

    Listasafnið á Akureyri – Kurt og Pí

    Með hönnun nýrrar viðbyggingar við Listasafnið á Akureyri hefur orðið til nýtt kennileiti í borgarlandslagi Akureyrar. Ný viðbygging og endurhönnun sögulegs iðnaðarhúsnæðis í Gilinu tengir saman ólík rými með umferðarás sem býr til ný sjónræn tengsl milli hins náttúrulega og byggða landslags.

    Listasafnið á Akureyri – Kurt og Pí

    Endurmörkun Þjóðminjasafnið – Jónsson & Le’macks

    Hönnun og endurmörkun Þjóðminjasafns Íslands er einföld og látlaus lausn á heildarásýnd stofnunar sem snertir alla landsmenn.

    Nánar á vef Hönnunarmiðstöðvar

    Ekki missa af þessum

    Annað áhugavert efni

    Nýjast á Mannlíf.is

    Nýjast á Gestgjafanum