2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Verk og sýn Guðjóns Samúelssonar í brennidepli

    Sýningin Guðjón Samúelsson húsameistari verður opnuð á laugardaginn.

     

    Yfirlitsýningin Guðjón Samúelsson húsameistari verður opnuð í Hafnarborg næsta laugardag, 2. nóvember, klukkan 17.00. Sýningin er opnuð í tilefni þess að öld er liðin frá því að Guðjón lauk háskólaprófi í byggingarlist árið 1919 og var í framhaldinu skipaður húsameistari ríkisins árið 1920.

    Guðjón Samúelsson (1887-1950) .

    Á sýningunni verður lögð áhersla á sýn Guðjóns sjálfs á eigin verk, stílþróun í byggingarlist hans og líklega áhrifavalda. Þar verða til sýnis teikningar, ljósmyndir og líkön af byggingum Guðjóns, ásamt ýmsum tillögum sem ekki urðu að veruleika.

    AUGLÝSING


    Guðni Th. Jóhannesson, forseti Íslands, mun flytja ávarp við opnun sýningarinnar.

    Helstu byggingar Guðjóns eru fyrir löngu orðnar þjóðkunn tákn fyrir staði og stofnanir í íslensku samfélagi. Guðjón var frumkvöðull á mörgum sviðum og átti veigamikinn þátt í nútímavæðingu íslensks samfélags. Opinber staða hans gaf honum einstakt tækifæri til áhrifa á byggingar- og skipulagsmál heillar þjóðar sem fáum arkitektum hefur hlotnast fyrr né síðar. Verk hans voru umdeild á sinni tíð og hafa fáir listamenn mátt sæta óvægnari gagnrýni.

    Ekki missa af þessum

    Annað áhugavert efni

    Nýjast á Mannlíf.is

    Nýjast á Gestgjafanum