2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Nýtt og sumarlegt blað Húsa og híbýla komið út – Sumarhús og krúttleg sveitakot í aðalhlutverki

    Sumarbústaðir og sumarhús eru meginþemað í blaðinu sem er eintaklega fallegt og fjölbreytt. Í blaðinu er meðal annars að finna afar fallegt og litríkt sumarhús Fríðu Jónsdóttur og eiginmanns hennar undir Eyjafjöllunum en Fríða blandar saman antík, litum, veggfóðri, persneskum teppum og íslenskri sveitarómantík á skemmtilegan og frumlegan máta. Einnig er innlit í krúttlegt og notalegt sveitakot til Péturs Gauts og Berglindar í Grímsnesinu en þar dvelja þau löngum stundum allt árið. Að auki er áhugavert innlit í Úlfljótsskála þar sem munaður og þægindi eru í fyrirrúmi.

    Smart íbúð Védísar Pálsdóttur vöruhönnuðar og Gríms Stígssonar í Norðurmýrinni þar sem fallegir munir og hlýr litir fá að njóta sín en Védís er með skemmtilega sýningu á HönnunarMars sem heitir Hvenær verður vara að vöru á Hafnartorgi.

    Heima hjá Védísi og Grími . Mynd / Hallur Karlsson

    Blómaskreytirinn Hrafnhildur Þorleifsdóttir sýnir okkur heimili sitt og blómagallerí og fræðir lesendur um ýmsar plöntur en einnig eru viðtöl við nokkra blómaræktendur í Hveragerði.

    AUGLÝSING


    Hrafnhildur Þorleifsdóttir  fræðir okkur um ýmsar plöntur í nýjasta Hús og híbýli. Mynd / Hallur Karlsson

    Póstkortið sem fylgir blaðinu er hannað af listakonunni Írisi Auði frá Akureyri en það er af himbrima í einstaklega litríku og snotru kjarri. Skemmtilegt viðtal og myndir af vinnustofu Auðar er einnig að finna í blaðinu ásamt ýmsu öðru fjölbreyttu efni. Sjón er sögu ríkari.

    Lestu meira

    Annað áhugavert efni

    Nýjast á Mannlíf.is