2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Rómantíkin allsráðandi

    Oft þarf ekki nema nokkra hluti inn í venjulegt eldhús til að skapa sveitastemningu og rómantík. Hér eru nokkrar skemmtilegar eldhúsmyndir sem ættu að geta veitt einhverjum innblástur.

    Hér er aðeins nútímalegra eldhús en í því er samt einhver sveitarómantík. Panillinn á veggjunum segir sveit og borðplatan og gólfið setja einstaklega hlýlegan blæ á umhverfið. Koparinn er smart og tónar vel með jurtunum.

    Fallegt og stílhreint eldhús þar sem sveitarómantíkin fæst með því að hengja rammíslenskar ímyndir á veggina. Eins er græni olíulampinn skemmtilegur og minnir á gamla tíma. Rósóttu púðarnir undirstrika svo einhverja rómantík.

    Hér er afar fallegt gamalt eldhús og þótt það sé allt hvítt er það rómantískt. Dökkbrúna viðarborðið setur svip á umhverfið og gerir það hlýlegt. En gamla vigtin og ketillinn í glugganum gera mikið fyrir rýmið. Einnig er sniðugt að hafa hilluna á veggnum vinstra megin.

    AUGLÝSING


    Í þessu eldhúsi er það blái liturinn sem gerir eldhúsið íslenskt og lifandi. Einnig er fallegt að hafa kaffikönnuna og kaffikvörnina á borðinu. Fallegar kryddjurtir og plöntur í glugga gera umhverfið hlýlegra og eru gott mótvægi við bláa litinn.

    Myndir / Úr safni

    Lestu meira

    Annað áhugavert efni

    Nýjast á Mannlíf.is