2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Stór áskorun að fresta svo stórri hátíð

    Stjórn og starfsfólk HönnunarMars sendi frá sér tilkynningu á þriðjudaginn þess efnis að ákveðið hefur verið að fresta hátíðinni fram í lok júní vegna útbreiðslu COVID-19. Hátíðin átti að standa yfir dagana 25. mars til 29. mars.

    Halla Helgadóttir framkvæmdastjóri Hönnunarmiðstöðvar greindi frá því í viðtali við Morgunútvarpið á Rás 2 í morgun að skipuleggjendur hátíðarinnar hefðu séð að það yrði óumflýjanlegt að fresta hátíðinni.

    Hún sagði að reyndar hefðu þrír möguleikar verið skoðaðir; að fresta hátíðinni, að hætta alveg við og að halda hátíðina með breyttu sniði á réttum tíma. „Við skoðuðum hvort það væri hægt að halda rafrænan HönnunarMars.“

    Halla sagði að á endanum hafi verið tekin ákvörðun um að fresta hátíðinni en það það sé stór áskorun. Hún greindi frá því að teymi HönnunarMars hafi hringt í alla þátttakendur og þá sem að hátíðinni koma og fundið mikinn meðbyr.

    AUGLÝSING


    Ný dagsetning er 24. júní til 28. júní. Halla sagði mikilvægt að hafa bjartsýni að leiðarljósi á tímum sem þessum.

    Lestu meira

    Annað áhugavert efni

    Nýjast á Mannlíf.is