Pakkaskreytingar geta verið af ólíku tagi. Það veitir hugarró að setjast niður, gefa sér góðan tíma og nostra við hverja skreytingu. Persónulegar jólaskreytingar gleðja augað og þurfa ekki að kosta mikla fyrirhöfn og oft er einfaldleikinn bestur. Hér notast ritstjórnin við ýmiss konar efnivið þar sem náttúran er höfð í forgrunni.
Farðu eigin leiðir í innpökkun – haltu þig við náttúruna, endurnýttu og leyfðu hugmyndafluginu að ráða för.
Einfaldan gjafapappír er hægt að skreyta á marga vegu. Það er tilvalið að nýta það sem til er á heimilinu eða einfaldlega sækja efnivið út í náttúrunni – greinar, lauf, blóm eða strá. Eins er hægt að nýta textílefni sem fallið hefur til og misst tilgang sinn eða pakka inn í fallegar hörservíettur eða viskastykki sem tilheyra gjöfinni.
Settu þinn svip á pakkana sem gerir þá eftirminnilega.
Verðið ykkur út um Hátíðarblað Húsa og híbýla, stútfullt af hugmyndum fyrir jólahaldið.
