2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    „Það er mikil viðurkenning fyrir Basalt arkitekta að hljóta þessi verðlaun“

    The Retreat Bláa Lónsins fékk Architectural Design of the Year-verðlaunin á hinni alþjóðlegu verðlaunahátíð Architecture MasterPrize en verðlaunin voru afhent við hátíðlega athöfn í Guggenheim safninu í Bilbao á Spáni í síðustu viku. The Retreat er hannað af Basalt arkitektum.

     

    Architecture MasterPrize (AMP) verðlaunin þykja ein virtustu arkitektaverðlaun heims og eru veitt einstökum verkum sem hafa verið byggð síðustu fimm ár. Þau falla í skaut einstaklinga eða hópa sem hafa þótt sýna afburðagæði í arkitektúr, innanhúss- eða landslagshönnun. Þetta er í fyrsta sinn sem Íslendingar vinna til þessara verðlauna.

    Markmið AMP-verðlaunanna er að vinna að framgangi hágæða arkitektúrs um allan heim og fagna sköpunargáfu og nýsköpun. Dómnefndina skipa margir af leiðandi arkitektum heims.

    The Retreat er hannað af Basalt arkitektum.

    AUGLÝSING


    Í rökstuðningi dómnefndar segir: „Hlutverk arkitektanna var, í samspili náttúru, arkitektúrs og upplifunar, að skapa stað þar sem gestum finnast þeir vera í beinum tengslum við íslenska náttúru. Byggt í 800 ára gömlu hrauni í hjarta Reykjaness Jarðvangs UNESCO, nær The Retreat að sameina heilsulind, jarðhitalón og 62 herbergja hótel sem hinn einstaki jarðsjór Bláa Lónsins umlykur. Fjársjóður landsvæðisins, hið steinefnaríka vatn, harðgerða hraun og aldagamall mosi – verður þungamiðja allrar byggingarinnar.“

    The Retreat er hannað af Basalt arkitektum en innanhúshönnun þess er unnin í samstarfi við Design Group Italia, sem sá einnig um upplifunarhönnunina. Lýsingarhönnuðir eru Liska og verkfræðingar eru Efla verkfræðistofa

    Architecture MasterPrize (AMP) verðlaunin þykja ein virtustu arkitektaverðlaun heims.

    „Það er mikil viðurkenning fyrir Basalt arkitekta að hljóta þessi verðlaun. Metnaður Bláa Lónsins hvað varðar vandaða hönnun er grunnurinn að farsælli þróun ferðaþjónustunnar á Íslandi. Við erum þakklát öllum öðrum hönnuðum sem hafa unnið að þessu verkefni með okkur. Ég lít svo á að þessi verðlaun séu okkar allra,“ segir Hrólfur Karl Cela, einn eigenda Basalt arkitekta.

    The Retreat hefur unnið til á þriðja tug alþjóðlegra verðlauna frá því að það opnaði á páskadag í fyrra þar á meðal hin þekktu Red Dot-verðlaunin sem það hlaut í sumar.

    Ekki missa af þessum

    Annað áhugavert efni

    Nýjast á Mannlíf.is