2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Valdís tilnefnd til sænskra hönnunarverðlauna

    Vöruhönnuðurinn Valdís Steinarsdóttir hefur hlotið tilnefningu til sænsku hönnunarverðlaunanna Formex Nova 2020.

    Formex Nova verðlaunin voru fyrst afhent  fyrir fimm árum síðan í tengslum við Formex hönnunarsýninguna í Stokkhólmi og hefur það að markmiði að kynna og efla norræna hönnun.

    Verðlaunin beina sjónum sínum að ungum hönnuðum sem vinna á Norðurlöndunum.

    „Ómetanleg hvatning“

    AUGLÝSING


    Valdís útskrifaðist frá vöruhönnunardeild Listaháskóla Íslands árið 2017 og er sjálfstætt starfandi hönnuður með aðalfókus á tilraunakennt efnisval með áherslu á enduvinnslu lífrænna efna.

    „Það er mér ómetanleg hvatning að vera tilnefnd. Með vinnu minni hef ég haft að leiðarljósi að vekja fólk til umhugsunar um aðkallandi vandamál sem snerta okkur öll og hvetja til samtals um nýjar lausnir. Keppni á borð við Formex Nova gefur mér færi á að ná til mun fleiri en nokkru sinni fyrr og ég er gríðarlega þakklát fyrir það tækifæri,“ er haft eftir Valdísi á vef Hönnunarmiðstöðvar Íslands.

    Fókus á tilraunarkennd hráefni

    Í umsögn dómnefndar Formex Nova segir: „Hönnun sem einblínir á tilraunakennd efni og að finna einstakar lausnir að samfélags- og umhverfislegum vandamálum. Gegnum verkefni sín leitar Valdís að opnu samtali við áhorfendur um samfélagslegar breytingar í gegnum hönnun.“

    Verkefni hennar Bioplastic Skin vakti athygli á HönnunarMars 2019 en þar var búið til sérstakt umbúðaplast fyrir kjötvörur úr dýrahúðum.

    „Horsehair Project“ er verkefni Valdísar Steinarsdóttur og Kristínar Karlsdóttur, fatahönnuðar. Í verkefninu nýta þær hrosshúð esem annars hefði lent í ruslinu.

    Lestu meira

    Annað áhugavert efni

    Nýjast á Mannlíf.is