Vetrarhátíð sett í kvöld – „Jöklar heimsins eru að bráðna á ógnarhraða“

Efnisorð

Deila

- Auglýsing -

Vetrarhátíð verður sett í kvöld klukkan 19:45 við Hallgrímskirkju með listaverkinu Sálumessa jöklanna eftir Heimir Hlöðversson.

„Jöklar heimsins eru að bráðna á ógnarhraða og ef svo heldur fram sem horfir munu allir Jöklar á Íslandi vera nánast horfnir eftir 200 ár. Sálumessajöklanna er óður til þeirra,“ segir um verkið á vef Vetrarhátíðar. Atriðið er sjón- og hljóðræn upplifunarsinfónía sem verður varpað á Hallgrímskirkju.

Í beinu framhaldi af setningunni verður opnun í Ásmundarsal með hliðarverki Sálumessu jöklanna – KYRIE ELEISON.

Einstök stemmning í borginni

Vetrarhátíð verður haldin dagana 6. – 9. febrúar 2020 og fer hátíðin fram í öllum sex sveitarfélögum höfuðborgarsvæðisins. Þessi hátíð ljóss og myrkurs samstendur af þrem meginstoðum: Safnanótt, Sundlauganótt og ljósalist ásamt yfir 150 viðburðum þar sem fjöldi listamanna tekur þátt í að skapa einstaka stemningu í borginni.

Á þriðja tug bygginga á höfuðborgarsvæðinu verða upplýstar í einkennislitum Vetrarhátíðar, grænum og fjólubláum. Auk þess verða ljóslistaverk verða á nokkrum lykilbyggingum á höfuðborgarsvæðinu; Hallgrímskirkju, Listasafni Reykjavíkur, Listasafni Íslands, Hörpu og Ráðhúsi Reykjavíkur.

Dagskrá Vetrarhátíðar má kynna sér hérna.

- Auglýsing -

Athugasemdir

Lestu meira

Litlir fuglar á vappi um safnið

Myndlistarmaðurinn Sigurbjörn Helgason hefur komið sér fyrir í vinnustofunni í safnbúð Hönnunarsafns Íslands. Þar mun hann nýta tímann...