Guns N’ Roses vilja fleiri Íslendinga á tónleikana - Mannlíf

Guns N’ Roses vilja fleiri Íslendinga á tónleikana

Tvö þúsund miðum hefur verið bætt við á tónleika hljómsveitarinnar Guns N’ Roses sem fram fara á Laugardalsvelli þann 24. júlí næstkomandi. Enn fremur hafa samningar náðst við íslensku rokksveitina Brain Police að hita upp fyrir goðsagnirnar í Guns N’ Roses, samkvæmt tilkynningu frá tónleikahöldurum.

Það seldist upp á tónleikana fyrir stuttu og nú geta rokkþyrstir landsmenn, sem ekki náðu í miða, tekið gleði sína á ný, en miðana sem bætt var við er hægt að kaupa á vefsíðunni show.is.

Tónleikar Guns N’ Roses verða eflaust stærstu rokktónleikar í Íslandssögunni, en búast má við að Guns N’ Roses-liðar spili í allt að þrjár klukkustundir, líkt og þeir hafa gert á fyrri tónleikum í tónleikaferðalaginu Not In This Lifetime…

Hljómsveitin kemur með 45 gáma af græjum til landsins en heildarmagn þeirra telur alls um 1300 tonn. Þar af er stærsta svið Íslandssögunnar sem verður 65 metra breitt, þrír risaskjáir, svo ekki sé minnst á stærsta hljóðkerfi sem sett hefur verið upp á Íslandi. Þá eru ótaldar alls kyns eldsýningar, sprengjur og reykvélar.

Sjá einnig

Kaupa áskrift
Kaupa áskrift

Vinsæl íslensk og vegleg tímarit

Ef þú vilt tryggja þér glæsileg og vegleg tímarit, komdu í áskrift!

Kaupa áskrift