Ein frægasta afsteypa af limi í heimi rataði nýlega á Reðasafnið en er það afsteypa af limi Jimi Hendrix.
Rætt var við safnstjóra Hins íslenska Reðasafns, Þórð Ólaf Þórðarson, í Síðsdegisútvarpinu í dag. Sagðist hann afar ánægður með gripinn enda mun hann án nokkurs efa vekja athygli gesta safnsins.
Ljósmynd: Flicr.com – Hans Kerrinckx
„Við fengum, tja ég held ég geti fullyrt, frægustu limafsteypu mannkynssögunnar af Jimi Hendrix heitnum. Mikil gleðistund,“ sagði Þórður og útskýrði svo hvernig hann fékk þennan fína grip í hendurnar. „Það var sem sagt amerískt par sem heimsótti okkur seinustu jól og þau voru bara gjörsamlega hrifin af safninu. Ég ræddi við manninn og við urðum bestu vinir bara einn, tveir og þrír. Hann talaði um að Cynthia Alberton, betur þekkt sem Cynthia Plastercaster, væri nágranni hans og að þau væru bara miklir vinir og það færi bara mjög vel á með þeim og að hann ætlaði kannski að tala við hana og spyrja hvort hún vildi ekki gefa afsteypu til safnsins,“ sagði Þórður safnstjóri.
Teningum var þarna kastað og nú er hægt að líta lim Jimi Hendrix aukum á Reðasafninu, þ.e.a.s. afsteypu af honum.
Þegar Þórður er spurður hvort hann telji afsteypuna ekki þá verðmætustu á safninu öllu, játti hann því. „Jú, ég held í peningum talið að þetta sé líklegast sá verðmætasti. Við erum reyndar líka hér með hvalsreði og svoleiðis sem var það mikið vesen að koma upp að… já, en þessi er í uppáhaldi núna.“