- Auglýsing -
Amber Heard, leikkona og fyrrum eiginkona Johnny Depp er nú stödd í dómsmáli, en Johnny Depp kærði hana fyrir meiðyrði eftir að hún skrifaði grein í Washington Post árið 2018 þar sem hún lýsti heimilisofbeldi sem hún segist hafa orðið fyrir. En þetta vita lesendur sjálfsagt.
Hitt er ekki á allra vitorði að þegar Amber Heard hlustaði á Kathryn Arnold, afþreyingarsérfræðing, svara spurningum í réttarsalnum í gær, slökkti hún þorsta sínum með íslensku vatni. Vatnið var reyndar fjólublátt á litinn þannig að ætla má að hún hafi bætt einhverju í það en hvað það er verður látið liggja á milli hluta.
Mynd: YouTube-skjáskot
Vatnið sem um ræðir heitir Skýra Icelandic Spring Water og er selt meðal annars í 7 -Eleven í Bandaríkjunum.
