Glæný smáskífa frá Önnu Sóleyju kemur út á morgun, í aðdraganda Jazzhátíðar Reykjavíkur.
Anna Sóley sendir frá sér smáskífuna 13 Pieces föstudaginn 5. ágúst. Lagið kemur út í aðdraganda að Jazzhátíð Reykjavíkur. Þar mun Anna Sóley koma fram ásamt frábærum hópi hljóðfæraleikara í Hörpu, Flóa sunnudagskvöldið 14. ágúst. 13 Pieces er lag af væntanlegri breiðskífu sem ber heitið Modern Age Ophlia og kemur út í haust. Frekari upplýsingar um viðburðinn: https://reykjavikjazz.is/en/vidburdir/anna-soley-is/.
Að sögn Önnu Sóleyjar fjallar 13 Pieces um að særa burt gamla fortíðardrauga. Lagið leikur sér með hugmyndir um ritúöl og hjátrú. Ljóðmælandi fremur galdur til þess að kveðja gamlar minningar og hjálpa öðrum að gleyma. Það er fullt tungl á föstudagskvöldi og draugarnir hvísla. Hún geymir í höndum sér gamla ljósmynd í þrettán pörtum til þessa að brenna yfir opnum eldi.
Flytjendur:
Anna Sóley Ásmundsdóttir – Söngur
Mikael Máni Ásmundsson – Gítar
Magnús Jóhann Ragnarsson – Píanó
Birgir Steinn Theodórsson – Kontrabassi
Magnús Trygvason Eliassen – Trommur
Tumi Árnason – Saxófónn
Lilja María Ásmundsdóttir – Hljóðskúlptúrinn Hulda
Strokkvartettinn Siggi / Siggi String Quartet:
Una Sveinbjarnardóttir – Fiðla
Helga Þóra Björgvinsdóttir – Fiðla
Þórunn Ósk Marínósdóttir – Víóla
Sigurður B. Gunnarsson – Selló
Upptaka, hljóðblöndun og tónjöfnun – Birgir Jón Birgisson
Lag, texti og strengjaútsetning: Anna Sóley