Miðvikudagur 10. ágúst, 2022
9.8 C
Reykjavik

Bennifer giftu sig í Las Vegas: „Ástin er þolinmóð“

Helgarviðtalið

- Auglýsing -

Orðrómur

- Auglýsing -

Poppstjarnan og leikkonan Jennifer Lopez og leikarinn Ben Affleck eru orðin hjón. Parið gifti sig óvænt í Las Vegas en Jennifer birti tilkynningu þess efnis ásamt myndum og myndböndum á síðunni sinni OnTheJLo.

„Við létum verða af því. Ástin er falleg. Ástin er kærleiksrík. Og það vill þannig til að ástin er líka þolinmóð. 20 ára þolinmóð.“

Mynd: OnTheJLo

Hjónin nýbökuðu fóru til Las Vegas og stóðu í röð ásamt öðrum pörum og biðu eftir að láta gefa sig saman. Þau höfðu haldið áætlununum leyndum fyrir heiminum en svo virðist sem einhver af börnum þeirra hafi verið með þeim á staðnum.

„Nákvæmlega eins og við vildum hafa þetta. Í gærkvöldi flugum við til Vegas, stóðum í röð og biðum eftir hjónabandsvottorðinu með fjórum öðrum pörum sem öll voru þangað komin í sömu erindagjörðum og við, til brúðkaups-höfuðborgar heimsins. Fyrir aftan okkur voru tveir menn sem héldust í hendur og héldu hvor utan um annan. Fyrir framan okkur var ungt par sem hafði keyrt í þrjár klukkustundir frá Victorville á tveggja ára afmæli dóttur sinnar. Öll vorum við að falast eftir því sama – að heimurinn viðurkenndi okkur sem maka og til þess að lýsa yfir ást okkar í gegnum hið ævaforna og nánast alþjóðlega tákn hjónabandsins.“

Jennifer lýsir viðburðinum sem draumabrúðkaupi þeirra, sem þau hafi langað í fyrir margt löngu. „Það var rétt hjá þeim sem sögðu orðin „allt sem þú þarft er ást“. Við erum svo þakklát fyrir að búa yfir henni í gnægðum, að eiga nýja og yndislega fjölskyldu með fimm dásamlegum börnum og líf sem við höfum aldrei haft meiri ástæðu til þess að hlakka til.“

Þau Jen og Ben, sem oft eru saman kölluð Bennifer af slúðurpressunni, voru saman hér á árum áður. Þau trúlofuðu sig árið 2002 en slitu sambandi sínu árið 2004 áður en þau giftu sig. Bæði fóru þau í önnur sambönd og hjónabönd, og eignuðust börn með mökum sínum. Fyrir um ári síðan, þegar þau voru bæði einhleyp, tóku þau saman á ný og ástin virðist aldrei hafa verið sterkari.

- Auglýsing -

Heimildir TMZ herma að hjónin hafi nýverið keypt hús saman fyrir alla fjölskylduna í Beverly Hills.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -