Bret Michaels söngvari glysrokkhljómsveitarinnar Poison dvelur nú á sjúkrahúsi í Nashville samkvæmt fjölmiðlum ytra.
Rokkarinn var fluttur á spítala um daginn, stuttu áður en hljómsveit hans átti að kokma fram á tónleikum ásamt Def Leppard, Mötley Crüe og Joan Jett and the Blackhearts, samkvæmt People .
Hljómsveitarmeðlimir Poison komu á sviðið og tilkynntu gestum að Bret hefði verið fluttur á sjúkrahús og því gæti hljómsveitin ekki komið fram á tónleikunum.
Ekki hefur verið gefið upp hvað orsakar spítalavist Bret en samkvæmt TMZ er ástæðan mögulega sú að um aukaverkanir vegna lyfjatöku rokkarans en hann er með sykursýki 1.
Glysrokktúr Poison er enn á áætlun en næst eiga þeir að koma fram á morgun en ekki er víst hvort spítalavistin hafi frekari áhrif á túrinn.