Upptaka af óperunni Akhnaten eftir Phillip Glass hlaut í gær Grammyverðlaunin sem óperuupptaka ársins. Hin íslenska Dísella Lárusdóttir syngur einsöng í óperunni og veitti verðlaununum viðtöku í Las Vegar í gær ásamt samstarfsmönnum sínum.
Forseti Íslands, Guðni Th. Jóhannesson óskaði Dísellu til hamingju með verðlaunin á Facebook síðu sinni:
„Ég óska Dísellu Lárusdóttur hjartanlega til hamingju með Grammy-verðlaunin sem hún hlaut við hátíðlega athöfn í Las Vegas í Bandaríkjunum í gærkvöldi. Dísella söng í óperunni Akhnaten sem Philip Glass samdi. Verkið fékk Grammy-verðlaun fyrir bestu óperuupptöku ársins. Alltaf er gaman þegar Íslendingum vegnar vel á erlendri grundu. Aftur til hamingju!“
Mannlíf óskar Dísellu innilega til hamingju með þessi glæsilegu verðlaun!